ཆ་འཕྲིན་ཐེར་འདོན། mzjubao@cnr.cn

གསར་འགྱུར་གསར་ཤོས།

ལི་ཁེ་ཆང་གིས་སྤྱི་ལོ༢༠༡༩ལོའི་ཀྲུང་གོ་སྲིད་གཞུང་གི་མཛའ་གྲོགས་བྱ་དགའ་ཐོབ་མཁན་ཕྱི་རྒྱལ་གྱི་རིགས་གཅིག་མཁས་པ་དང་མཇལ་འཛོམས་གནང་བ་དང་ཧན་ཀྲེང་མཇལ་འཛོམས་ནང་ཞུགས་པ།

2019-10-01 10:07:00     责编:sangjzm

ཀྲུང་དབྱང་རླུང་འཕྲིན་ལས་ཁུངས་ནས་གནས་ཚུལ་སྤེལ་གསལ། རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་སྤྱི་ཚེས་༣༠ཉིན་གྱི་ཕྱི་དྲོ་མི་དམངས་ཚོགས་ཁང་ཆེན་མོར། སྤྱི་ལོ་༢༠༡༩ལོའི་ཀྲུང་གོ་སྲིད་གཞུང་གི་མཛའ་གྲོགས་བྱ་དགའ་ཐོབ་མཁན་ཕྱི་རྒྱལ་གྱི་རིགས་གཅིག་མཁས་པ་དང་ཁོང་ཚོའི་གཉེན་ཉེ་དང་མཛའ་བརྩེའི་ངང་མཇལ་འཛོམས་གནང་བ་དང་། ཧན་ཀྲེང་མཇལ་འཛོམས་ནང་ཞུགས་ཡོད་པ་རེད།

ལི་ཁེ་ཆང་གིས། ཀྲུང་གོའི་སྲིད་གཞུང་དང་མི་དམངས་ཀྱི་ཚབ་ཞུས་ནས། བྱ་དགའ་ཐོབ་མཁན་ཕྱི་རྒྱལ་གྱི་རིགས་གཅིག་མཁས་པར་སྤྲོ་སེམས་འཁོལ་བའི་རྟེན་འབྲེལ་ཞུས་གནང་ནས། ཁོང་ཚོས་ཀྲུང་གོའི་དེང་རབས་ཅན་གྱི་འཛུགས་སྐྲུན་དང་། ཀྲུང་ཕྱིའི་མཛའ་གྲོགས་སྤེལ་རེས་དང་གཉིས་ཕན་མཉམ་ལས་ལ་སྐུལ་འདེད་གཏོང་ཆེད་ལེགས་སྐྱེས་གལ་ཆེན་ཕུལ་བར་གདེང་འཇོག་གང་ལེགས་གནང་བ་མ་ཟད། ཁོང་ཚོ་བརྒྱུད་ཀྲུང་གོའི་དེང་རབས་ཅན་གྱི་བྱ་གཞག་ཆེད་ལེགས་སྐྱེས་ཕུལ་མཁན་ཕྱི་རྒྱལ་གྱི་རིགས་གཅིག་མཁས་པ་དང་། རྒྱལ་སྤྱིའི་མཛའ་གྲོགས་མི་སྣ། དེ་བཞིན་ཁོང་ཚོའི་ཁྱིམ་མི་བཅས་ལ་ལྷག་བསམ་དག་པའི་འཚམས་འདྲི་ཞུས་ཡོད།

མཇལ་འཛོམས་གནང་གྲུབ་རྗེས། ཚོགས་རར་ཡོད་པའི་ཕྱི་རྒྱལ་གྱི་རིགས་གཅིག་མཁས་པ་དང་ཁོང་ཚོའི་གཉེན་ཉེ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ངོ་༧༠འཁོར་བའི་སྣེ་ལེན་ཚོགས་འདུར་གདན་ཞུ་བྱས་ཡོད་པ་རེད།

ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབམལས་ཁུངས།
ཡིག་སྒྱུར། རིན་ཆེན་དབང་འདུས།

中央广播电视总台 央广网 版权所有