ཐོན་ཚོང་སྦྲེལ་མཐུད་ཀྱིས་བོད་ཁུལ་གྱི་ཞིང་ལས་ཐོན་རྫས་གྲོང་གསེབ་ནས་གྲོང་ཁྱེར་དུ་ཚོང་རྒྱུར་རོགས་རམ་བྱས་པ།
སྤེལ་བའི་དུས་ཚོད། : 2019-06-11 ཡིག་གཟུགས། 【 ཆེ། 】 【 འབྲིང་། 】 【 ཆུང་། 】

ཤིན་ཧྭ་གསར་འགྱུར་ཁང་དུ་གློག་འཕྲིན་འབྱོར་གསལ། ཉིན་ཤས་གོང་། ཡུན་ནན་བདེ་ཆེན་དུ་གཉེར་བའི་ཞིང་ལས་ཐོན་རྫས་ཐོན་ཚོང་སྦྲེལ་མཐུན་བྱེད་སྒོར་ཡུན་ནན་དང་། སི་ཁྲོན། བོད་སོགས་ཞིང་ཆེན་དང་རང་སྐྱོང་ལྗོངས་ནས་ཡོང་བའི་རྫོང་དབུལ་པོ་82ཀྱི་ཁྱད་ལྡན་སྤུས་ལེགས་ཀྱི་ཞིང་ལས་ཐོན་རྫས་སྣ་ཁ་800ལྷག་ཙམ་བཏོན་པར། རྒྱལ་ཡོངས་ས་གནས་ཁག་གི་ཉོ་སྒྲུབ་ཚོང་པའི་དགའ་བསུ་ཐོབ་པ་དང་འབྲེལ། ཉོ་སྒྲུབ་ཀྱི་ངོ་འཕྲད་གྲོས་མོལ་བྱས་ནས་ས་གནས་ས་ཐོག་ཏུ་སྒོར་དུང་ཕྱུར་10.2ཟིན་པའི་གན་རྒྱ་བཞག་པ་རེད།

ད་ཐེངས་ཀྱི་བྱེད་སྒོར་བོད་རིགས་ས་ཁུལ་གྱི་རྫོང་དབུལ་པོའི་ཞིང་ལས་ཐོན་རྫས་ཐོན་ཚོང་སྦྲེལ་མཐུད་གཙོ་བོར་བྱས་ནས་མངགས་ཐོ་དང་ངོ་འཕྲད་གྲོས་མོལ་འབུར་དུ་ཐོན་པའི་སྒོ་ནས་ས་ཁོངས་རང་བཞིན་གྱི་ཐོན་ཚོང་སྦྲེལ་མཐུད་ལས་སྟེགས་བསྐྲུན་ཡོད། སྤུས་ལེགས་ཀྱི་ཞིང་ལས་ཐོན་རྫས“གྲོང་གསེབ་ནས་གྲོང་ཁྱེར་དུ་འཚོང་རྒྱུར”སྐུལ་འདེད་གཏོང་བ་དང་དུས་མཚུངས། ཞིང་ལས་ཐོན་ལས་ཅན་གྱི་སྣེ་འདྲེན་ཁེ་ལས་དང་ཞིང་ལས་ཐོན་རྫས་སྡེབ་ཚོང་ཁྲོམ་ར་ཆེ་གྲས་སོགས་ཁྲོམ་རའི་འཁོར་རྒྱུག་བྱེད་པོ“གྲོང་གསེབ་དང་ཐོན་ཁུལ་དུ་བསྐྱོད་རྒྱུར”སྣེ་ཁྲིད་བྱས་པ་རེད།